ઘણા સમયથી ચર્ચા ચાલી રહી છે કે તેલુગુ ફિલ્મના સુપરસ્ટાર મહેશ બાબુ એક પાન ઈન્ડિયા ફિલ્મથી હિન્દી સિનેમામાં ડેબ્યૂ કરવા જઈ રહ્યા છે, જેનું નિર્દેશન ‘બાહુબલી’ (ફ્રેંચાઈઝ) અને ‘RRR’ જેવી ફિલ્મોના દિગ્દર્શક એસ. એસ. રાજામૌલી કરશે. હવે આ ફિલ્મ વિશે નવી માહિતી સામે આવી છે. રિપોર્ટ્સનું માનીએ તો મહેશ બાબુની આ ફિલ્મ એક સત્ય ઘટના પર આધારિત હશે. આ દાવો રાજામૌલીના પિતા અને દિગ્ગજ લેખક કેવી વિજયેન્દ્ર પ્રસાદને ટાંકીને કરવામાં આવી રહ્યો છે, જેમણે ‘બાહુબલી’ જેવી ફિલ્મો લખી છે.