Samsung Galaxy A14 5G: ટૂંક સમયમાં સેમસંગ લોન્ચ કરશે સૌથી સસ્તો 5G ફોન

Samsung Galaxy A14 5G સ્માર્ટફોનના સ્પેસિફિકેશન્સ વિશે જે માહિતી મળી રહી છે તે મુજબ, આ ફોનમાં નીચે વોટરડ્રોપ નોચ અને જાડા બેઝલ્સ છે. 3.5mm હેડફોન જેક અને સ્પીકર ગ્રિલ છે. ચાલો જાણીએ સૌથી સસ્તા 5g ફોન વિશે

સૌથી સસ્તો 5G ફોન

Samsung Galaxy A14 5G: દેશમાં 5G સુવિધા શરૂ થતાં જ મોબાઈલ કંપનીઓમાં મોબાઈલ ફોનને અપગ્રેડ કરવાની સ્પર્ધા ચાલી રહી છે અને તમામ કંપનીઓ સસ્તા 5G ફોન લોન્ચ કરવાની તૈયારી કરી રહી છે. આ રેસમાં દિગ્ગજ મોબાઈલ ફોન કંપની સેમસંગ બાજી મારતી જોવા મળી રહી છે. સેમસંગ કંપની પોતાનો Galaxy A14 5G ફોન ટૂંક સમયમાં લોન્ચ કરવા જઈ રહી છે અને તે કંપનીનો સૌથી સસ્તો 5G સ્માર્ટફોન હોવાનું કહેવાય છે.

નોંધનીય છે કે સેમસંગ કંપની પહેલેથી જ Galaxy A04e અને Galaxy M04 પર કામ કરી રહી છે અને હવે Samsung Galaxy A14 5Gને Wi-Fi એલાયન્સ સર્ટિફિકેશન સાઇટ પર જોવામાં આવ્યું છે. પ્રાપ્ત વિગતો અનુસાર, સેમસંગ કંપની ટૂંક સમયમાં 5G સ્માર્ટફોન લોન્ચ કરી શકે છે. લીક થયેલા અહેવાલો સૂચવે છે કે A14 5G કંપનીના સૌથી સસ્તા 5G સ્માર્ટફોન તરીકે ડેબ્યૂ કરશે અને તેમાં મોટી LCD ડિસ્પ્લે હશે.

Samsung Galaxy A14 5G ફોનના ફીચર્સ

Samsung Galaxy A14 5G ને Wi-Fi એલાયન્સ સર્ટિફિકેશન વેબસાઇટ પર મોડલ નંબર SM-A146P (MySmartPrice તરફથી) સાથે જોવામાં આવ્યું છે. આ ઉપકરણમાં 2.4GHz અને 5GHz Wi-Fi હોઈ શકે છે. તે જ સમયે, A14 5G એન્ડ્રોઇડ 13 આઉટ-ઓફ-ધ-બોક્સ ચલાવશે.

Samsung Galaxy A14 5G ફોનની ડિઝાઇન

આ સ્માર્ટફોનના સ્પેસિફિકેશન વિશે અત્યાર સુધી જે માહિતી સામે આવી છે તે મુજબ, Samsung Galaxy A14 5Gમાં નીચે વોટરડ્રોપ નોચ અને જાડા બેઝલ્સ છે. ઉપરાંત, વોલ્યુમ રોકર અને પાવર બટન જમણી બાજુએ આપવામાં આવ્યું છે, જે ફોનની ડાબી બાજુએ સંપૂર્ણપણે ખાલી રાખવામાં આવે છે.

આ ફોનના અન્ય ફીચર્સ

• ડિવાઇસમાં USB-C પોર્ટ છે
• 3.5mm હેડફોન જેક અને સ્પીકર ગ્રિલ આપેલ છે.
• પાછળ ના ભાગમાં ટ્રિપલ કેમેરા સેટઅપ છે.
• તે સૌથી સસ્તા 5G સ્માર્ટફોન તરીકે ડેબ્યૂ કરશે.